Mure të çarë nga dhjetëra plumba, xhama të thyer dhe mobilje të shkatërruara…
Pamjet që vijnë sot nga lokali në Don Bosko janë imazh i një masakre që shkaktoi një viktimë dhe la pesë të plagosur.
Policia ka rrethuar zonën dhe ambientet e lokalit mbeten skenë krimi. Nga kamerat e sekuestruara dhe provat të vendngjarje pritet të zbardhet ngjarja e një natë më parë, kur dy persona qëlluan me kallashnikovë.
Ngjarja tronditi zonën, ndërsa në familjen e banakieres Mimoza Peja janë hapur dyert e mortit.
Këtë mëngjes, pranë Bubqit është gjetur një makinë e djegur dhe tre kallashnikovë që dyshohen se janë të autorëve.
Lokali është në pronësi të Fatjon Muratit, person me disa precedent kriminal, i cili është dënuar me arrest shtëpie, por policia nuk e gjeti në banesë. Ende nuk dihen shkaqet e atentatit, që shkoi keq, pasi viktimë mbeti punonjësja e lokalit.
Top Channel
