Një 36-vjeçar është arrestuar në Vlorë pasi akuzohet se shpërndante lëndë narkotike të llojit kanabis.
Në kuadër të operacionit policor të koduar “Fokus 4”, u arrestua në flagrancë shtetasi K. B., 36 vjeç, banues në Vlorë.
Gjatë kontrollit fizik dhe kontrollit në banesën e tij, policia gjeti një sasi lënde të dyshuar narkotike kanabis, një pjesë e ndarë në doza, të dyshohet se do t’i shiste në qytetin e Vlorës, kryesisht në lokalet e natës.
Lënda narkotike u sekuestrua në cilësinë e provës materiale, së bashku me 1 aparat celular dhe një shumë parash që dyshohet se është përfituar nga kjo veprimtari kriminale.
Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme.
Top Channel
