Uashingtoni i dha dritën jeshile përdorimit të raketave me rreze të gjatë, reagon Zelenksy 17/11 22:37
Bexhet Rrapi punon argjendar prej një jete. Mbi 47 vite ka që ushtron këtë zanat dhe asnjëherë nuk ka pasur ndërmend braktisë për ndonjë pune më të mirë.
Usta Bexhetin e gjejmë në punishten e vogël duke punuar një unazë me porosi.
“Duke nisur nga eksperienca dhe besimi që kanë krijuar klientët. Punoj shpejt edhe lirë. Çdo periudhë ka të sajën”, u shpreh ai.
Për Bexhetin sekreti punës së tij është imagjinata dhe durimi qe aq shumë duhen kur merresh me flori dhe argjend.
Por sot i është përshtatur dhe tregut, duke punuar shqiponjën apo riparuar syze dhe ora. Punon shpesh edhe simbolet kombëtare apo motive të tjera që kërkojnë emigrantët.
“Ndjej kënaqësi se punët e mia janë shpërndarë jo vetëm në Shqipëri, por në shumë vende të botës”, shtoi më tej ai.
Me këtë zanat ka mundur të shkollojë fëmijët e të mbajë dhe familjen. Në Vlorë nuk ka më shumë se tre zanatçinj tille, dhe pengu Bexhetit është se rinjtë nuk po i mësojnë më profesionet e dikurshme.
Top Channel
