Situatë e rënduar në Siri, forcat rebele marrin nën kontroll qytetin e dytë më të madh të vendit 30/11 09:51
Më shumë se 600 persona janë nën hetim në Turqi, pas shembjes së ndërtesave nga tërmetet vdekjeprurëse.
Ministri turk i Drejtësisë, Bekir Bozdag ka thënë se 184 prej 612 të dyshuarve janë në paraburgim, në pritje të gjyqit.
Në mesin e të ndaluarve përfshihen udhëheqës të kompanive të ndërtimit dhe menaxherë të ndërtimit, ka thënë ai në disa komente.
“Mbledhja e të dhënave për ndërtesat vazhdon të jetë bazë për hetimet penale”, ka shtuar ai.
Si pasojë e dy tërmeteve mbi 7 shkallë të Rihterit më 6 shkurt, kanë vdekur mbi 50 mijë njerëz në jug të Turqisë dhe veri të Sirisë.
Shkatërrimi pas tërmeteve ka rritur pikëpyetje për sigurinë e ndërtimeve në Turqi, pasi shumica e 173.000 ndërtesave të atij rajoni janë rrëzuar apo janë dëmtuar rëndë.
Ekspertët kanë thënë se shumë ndërtesa nuk janë ndërtuar sipas standardeve qeveritare.
Partitë opozitare kanë akuzuar administratën e presidentit turk, Recep Tayyip Erdogan për dështim të zbatimit të rregulloreve për ndërtim.
Agjencia turke për Menaxhim të Katastrofave ka thënë se 9.470 pasgoditje kanë goditur rajonin jugor turk pas tërmeteve të 6 shkurtit. Zyrtarë të agjencisë kanë thënë se presin që pasgoditjet të vazhdojnë për të paktën dy vite.
Top Channel
