Një 38-vjeçar është vënë në pranga, pasi ka kryer vjedhje të përsëritura në Durrës.9
Autori me iniciale G. Ll. u kap duke vjedhur, në një automjet, të cilit i kishte thyer xhamin për të marrë mjetet personale.
Gjithashtu pas hetimeve të kryera rezultoi se ai është autor edhe i 2 vjedhjeve të tjera të sendeve personale, në automjetet e personave të ndryshëm dhe i vjedhjes së një biçiklete, të kryera gjatë periudhës janar-shkurt 2023.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
Njoftimi i plotë:
Durrës/ Kreu vjedhje në mënyrë të përsëritur, në automjete të ndryshme, si dhe vodhi dhe një biçikletë, identifikohet dhe arrestohet 38-vjeçari.
Specialistët për Hetimin e Krimeve të Komisariatit të Policisë Durrës, si rezultat i administrimit të menjëhershëm të denoncimeve të qytetarëve, për disa raste vjedhjesh, kanë bërë të mundur identifikimin dhe vënien në pranga të autorit të tyre, shtetasit G. Ll., 38 vjeç, banues në Durrës.
Ky shtetas u kap në flagrancë, pasi kishte thyer xhamin e një automjeti, për të marrë sendet personale që ndodheshin në të.
Nga veprimet hetimore rezultoi se shtetasi G. Ll. është autor edhe i 2 vjedhjeve të tjera të sendeve personale, në automjetet e shtetasve të ndryshëm dhe i vjedhjes së një biçiklete, vjedhje këto të kryera gjatë periudhës janar-shkurt 2023.
Vijon puna për zbardhjen dhe dokumentimin e vjedhjeve të tjera që mund të jetë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.
Top Channel
