Çfarë sulmi ajror do të ndodhë në Kiev? Pas SHBA-së, edhe Spanja mbyll ambasadën në Ukrainë, zbulohet e-maili 20/11 12:07
Qindra sirianë që jetojnë në Turqi janë kthyer në vendin e shkatërruar nga lufta pas tërmetit shkatërrues të javës së kaluar.
Qeveria turke ka lejuar sirianët me karta identiteti nga provincat turke të goditura nga tërmeti të largohen deri në gjashtë muaj.
Ndryshimi i rregullit ka bërë që qindra njerëz të qëndrojnë në radhë për orë të tëra në pikat kufitare.
Pothuajse katër milionë sirianë janë vendosur në Turqi që kur shpërtheu lufta civile në vendin e tyre 12 vjet më parë.
Disa të mbijetuar nga tërmeti i javës së kaluar po bëjnë udhëtimin drejt vendkalimeve në një përpjekje për t’u ribashkuar me anëtarët e familjes në Siri, disa prej të cilëve nuk i kanë parë prej vitesh.
Midis tyre është Reem, e cila me fëmijën e saj nëntë muajsh të mbështjellë në një batanije, tha se po udhëtonte për në Siri pasi shtëpia e saj në Turqi u shkatërrua.
Top Channel
