Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Dy ushtarakë kanë humbur jetën kur një helikopter i Gardës Kombëtare të Tennessee në SHBA, u rrëzua duke shpërthyer në një top zjarri në një autostradë në Alabama gjatë një misioni stërvitor.
Helikopteri model UH-60 Black Hawk shpërtheu në një top të madh zjarri pasditen e djeshme në ora 3.30.
Ushtria konfirmoi për rrjetin AP se dy njerëzit në bordin e helikopterit humbën jetën, teksa pamje nga vendi i incidentit tregonin zjarr dhe shtëllunga të mëdha tymi që ngriheshin, deri para fikjes së zjarrit.
Sherifi i Madison tha se helikopteri kishte shpërthyer menjëherë pas përplasjes dhe kur mbërritën zjarrfikësit mjeti ishte kthyer në një pirg rrënojash.
Autoritetet thanë se hetimet paraprake tregojnë se incidenti nuk ka lidhje me bazën ushtarake Redstone Arsenal në afersi të vendngjarjes, ndërsa përplasja kishte shkaktuar vonesa trafiku mes shoferëve.
Helikopterët Black Hawk janë nga mjetet më të përdorura të këtij lloji me 1,600–1,700 variante të ndryshme në përdorim.
Top Channel
