Rezultatet live/ Dalin projeksionet, Trump kryeson me 105 vota elektorale dhe udhëheq në Georgia, Harris 72, prin në Karolinën e Veriut 06/11 02:02
Payton Gendron, vrasësi i dhjetë njerëzve me ngjyrë në masakrën Buffalo, New York vitin e kaluar, është dënuar sot me burgim të përjetshëm.
19 vjeçari Payton Gendron u shoqërua jashtë sallës teksa një nga të afërmit e viktimave tentoi ta sulmonte, para se të ndalohej nga rojet e sigurisë.
Më herët Simone Crawley, mbesa e viktimës 86-vjecare Ruth Uitfield, quante Gendron “një racist dinak”, teksa të tjerë të afërm të viktimave shprehën zemërimin e tyre.
Gendron ka pranuar më herët akuzat e “terrorizmit të brendshëm” për masakrën e urrejtjes në maj në Buffalo, e cila dënohet automatikisht me burgim të përjetshëm pa liri me kusht.
Ai kishte planifikuar sulmin prej kohësh në tregun e Buffalo ku jeton një popullatë e madhe afro-amerikane në zonat rrethuese.
Asokohe 18-vjeçari erdhi me makinë nga rreth 300 km larg për të vrarë sa më shumë nejrëz, thanë prokurorët në gjyq.
I pajisur me veshje anti-plumb dhe automatik AR-15, Gendron vrau katër njerëz në parking para se të vijonte masakrën brenda dyqanit.
Top Channel
