Deri në minus 22 gradë kanë mbërritur mëngjesin e së mërkurës, temperaturat në Qafën e Thorës në Shkodër duke sjellë akull dhe ngrica në rrugën drejt pikës turistike të Thethit.
Borëpastrueset janë duke punuar për pastrimin e rrugës por kërkojnë nga turistët që domosdoshmërisht të jenë të pajisur me zinxhirë.
E njëjta situatë është edhe në Kelmend të Malësisë së Madhe, ku temperaturat në Vermosh shënuan -16 gradë.
Rrugët janë të hapura por këshillohet kujdes nga ngricat.
Ndërkohë në Pukë, termomemtri nën zero, ka sjellë ngrirjen e liqenit në qytet prandaj bashkia kërkoi nga banorët që të mos provojnë aventurat në akull pasi mund të rezultojnë të rrezikshme.
Top Channel
