Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Në Peru, ligjvënësit bllokuan edhe një herë përpjekjen e presidentes së vendit për të zhvilluar zgjedhje të parakohshme brenda vitit 2023.
Një proces i shpejtë zgjedhor po kërkohen edhe nga qytetarët e vendit, të cilës kanë vazhduar protestat lidhur me këtë çështje. Por Kongresi ka refuzuar ta bëjë një gjë të tillë, dhe në ndryshim, ka zhvendosur zgjedhjet e planifikuara për vitin 2026, për në prill të 2024.
Propozimi i Presidentes Dina Boluarte mbi zgjedhjet u refuzua nga një komision i Kongresit mbi çështje teknike, përpara se të debatohej mbi të edhe në seancë plenare.
Peruja është përfshirë nga një krizë që nga fillimi i muajit dhjetor, kohë kur Presidenti i atëhershëm Pedro Castillo, u arrestua për shkak të përpjekjeve për të shpërndarë Kongresin, e qeverisur vendin përmes dekreve. Zonja Bouluarts, shërbente si nënpresidente në administratën Castillo.
Me dhjetra njerëz janë vrarë gjatë protestave pothuajse të përditshme që kanë përfshirë vendin që nga arrestimi i zotit Castillo.
Top Channel
