“Netanyahu nuk arrestohet”, Gjermania mbështet Gjykatën Ndërkombëtare Penale, por jo në këtë rast?
23/11 11:47
Presidenti ukrainas Volodymyr Zelensky ka diskutuar për betejën për Bakhmut, pas konferencës për shtyp nga samitit i BE-së në Kiev.
Presidenti tha se forcat e Ukrainës do të luftojnë për ta mbajtur qytetin lindor të “fortesë” ose për aq kohë sa të munden dhe i kërkoi Perëndimit të furnizojë armë me rreze të gjatë për të ndihmuar në shtyrjen e forcave ruse nga rajoni i Donbasit, transmeton Telegrafi.
“Askush nuk do ta japë Bakhmutin. Ne do të luftojmë për aq kohë sa të mundemi. Ne e konsiderojmë Bakhmutin fortesën tonë”, tha ai.
“Ukraina do të ishte në gjendje të mbante Bakhmutin dhe të çlironte Donbasin e pushtuar nëse merrte armë me rreze të gjatë”.
Qyteti i Bakhmut është bërë pika qendrore e rezistencës ukrainase ndaj pushtimit rus dhe e përpjekjes së Moskës për të rifituar vrullin e fushëbetejës.
Zyrtarët rusë kanë thënë se forcat ruse po rrethojnë qytetin nga disa drejtime dhe po luftojnë për të marrë kontrollin e një rruge e cila është gjithashtu një rrugë e rëndësishme furnizimi për forcat ukrainase.
Zelensky tha se Rusia do të vazhdojë të shtyjë në lindje, por se forcat ukrainase do të jenë në gjendje të qëndrojnë derisa të arrijnë më shumë armë perëndimore.
Top Channel
