Gjykatësja federale pushon çështjen penale ndaj Trump, për ndërhyrje në zgjedhjet e vitit 2020 26/11 10:20
Avionët e vëzhgimit do të mbërrijnë këtë të martë në Rumani për të forcuar krahun lindor të aleancës ushtarake perëndimore.
Avionët do të përdoren gjithashtu për të monitoruar aktivitetin ushtarak rus.
Kjo gjë vjen pikërisht pasi NATO njoftoi javën e kaluar, se do të vendoste në Bukuresht aeroplanët e vëzhgimit të Sistemit të Paralajmërimit dhe Kontrollit Ajror (AWACS). Avionët do të kryejnë fluturime zbulimi vetëm mbi territorin e NATO-s.
Sipas Sky News avionët e vendosur në Rumani janë zakonisht me bazë në Gjermani dhe po dërgohen së bashku me rreth 180 personel ushtarak.
Aleanca ka rritur praninë e saj ajrore në Evropën Lindore dhe Baltik që nga pushtimi i Ukrainës nga Rusia.
“Nuk duhet të ketë asnjë dyshim për vendosmërinë e NATO-s për të mbrojtur dhe mbrojtur çdo centimetër të territorit aleat. AWACS-ët tanë mund të zbulojnë aeroplanë qindra kilometra larg, duke i bërë ata një aftësi kyçe për parandalimin dhe qëndrimin mbrojtës të NATO-s”, tha zëdhënësja e NATO-s Oana Lungescu në një deklaratë javën e kaluar.
Top Channel
