Prej ditësh porti detar i Durrësit po përballet me vonesa të theksuara në përpunimin e kontejnerëve.
Dhjetëra kamionë qëndrojnë në radhë në pritje të ngarkohen, ndërsa drejtuesit e tyre ankohen për mungesë të mjeteve përpunuese.
Këtë të mërkurë janë mbi 150 kamionë që presin të ngarkohen dhe të c çojnë mallrat në destinacion, ndërsa mungesa e mjeteve dhe organizimi i punës shkakton kosto të larta jo vetëm për drejtuesit e kamionëve, por edhe për biznesin dhe tregun që pret mallrat e importuara.
Që nga viti 2021, terminali i kontejnerëve në portin e Durrësit administrohet nga kompania ”Mariner Adriatik”, sipas së cilës radhët janë shkaktuar jo nga mungesa e vinçave dhe mjeteve të ngarkim-shkarkimit, por nga volume i lartë i punës pas vitit të ri. Ditët e fundit në portin detar të Durrësit janë përpunuar 5 anije me kontejnerë, ndërsa dy të tjera janë në pritje.
Aksionistët kërkojnë ndërhyrjen e shtetit për të zgjidhur situatën e krijuar dhe shmangur vonesat e theksuara në përpunim.
Top Channel
