Dy persona janë vënë në pranga në pikat kufitare të Shqipërisë.
Njëri prej tyre është 33-vjeçari turk me iniciale B. T., i cili ishte shpallur në kërkim ndërkombëtar.
Ai u arrestua në aeroportin e Rinasit me qëllim ekstradimin drejt Gjermanisë, pasi gjatë kontrolleve rezultoi se ishte person i shpallur në kërkim ndërkombëtar nga Interpol Wiesbaden/Gjermani.
Një tjetër person nga Kosova u arrestua në Portin e Durrësit, pasi tentoi të kalonte kufirin me dokumente të falsifikuara.
53-vjeçari me inciale Z. K. për të kaluar kufirin ka përdorur pasaportë kosovare dhe një leje qëndrimi gjermane në emër të një shtetasi tjetër, duke shfrytëzuar ngjashmërinë.
Njoftimi policisë:
Policia Kufitare/ Vijojnë masat e shtuara në pikat tokësore të kalimit kufitar, në porte e aeroporte, me qëllim krijimin e lehtësirave ligjore për të shmangur radhët e gjata për shkak të fluksit në rritje të shtetasve që vijnë për të kaluar festat e fundvitit në Shqipëri.
Masa të shtuara edhe për parandalimin dhe goditjen e krimeve ndërkufitare dhe kapjen e personave të shpallur në kërkim ndërkombatar.
Kapet në Rinas një shtetas turk, i shpallur në kërkim ndërkombëtar.
Ndërsa në Portin e Durrësit vihet në pranga një shtetas kosovar i cili për të kaluar kufirin, ka përdorur dokumente të falsifikuara.
Shërbimet e Policisë Kufitare të Rinasit, gjatë kontrolleve intensive, mbështetur dhe nga inteligjenca informative, kanë ndaluar dhe arrestuar provizoritsht, me qëllim ekstradimi drejt Gjermanisë, shtetasin turk B. T., 33 vjeç, banues në Turqi.
Nga verifikimet e kryera në hyrje të Republikës së Shqipërisë, rezultoi se ky shtetas ishte person i shpallur në kërkim ndërkombëtar nga Interpol Ëiesbaden/Gjermani.
Ndërsa nga shërbimet e Policisë Kufitare në Port Durrës, u bë arrestimi në flagrancë i shtetasit kosovar Z. K., 53 vjeç banues në Kosovë.
Ky shtetas për të kaluar kufirin ka përdorur pasaportë kosovare dhe një leje qëndrimi gjermane në emër të një shtetasi tjetër, duke shfrytëzuar ngjashmërinë.
Policia Kufitare vijon kontrollet e alternuara në bazë të rriskut dhe me përzgjedhje, si dhe në kufirin jeshil me qëllim parandalimin dhe goditjen e krimeve ndërkufitare.
Top Channel
