Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Rusia dhe Kina kanë zhvilluar stërvitje të përbashkëta detare në Detin e Kinës Lindore në një seri stërvitjesh, duke treguar se bashkëpunimi i mbrojtjes midis dy vendeve po vazhdon të rritet.
Anijet luftarake, për të cilat Ministria ruse e Mbrojtjes deklaroi se përfshinin një kryqëzor me raketa Varyag, shkatërruesin Marshal Shaposhnikov dhe dy korveta të Flotës së Paqësorit të Rusisë, po merrnin pjesë në stërvitjet që filluan ditën e djeshme.
Kina dërgoi dy shkatërrues, një nëndetëse me naftë dhe disa anije të tjera për stërvitjen, e cila do të zgjasë për një javë.
“Qëllimi kryesor i stërvitjeve është forcimi i bashkëpunimit detar midis Federatës Ruse dhe Republikës Popullore të Kinës dhe ruajtja e paqes dhe stabilitetit në rajonin e Azisë Paqësorit”, tha ministria sipas Sky News.
Lidhjet ushtarake midis Moskës dhe Pekinit duket se janë forcuar që kur Vladimir Putin pushtoi Ukrainën në shkurt të këtij viti.
Kina ka refuzuar me vendosmëri të kritikojë veprimet e Moskës, duke fajësuar SHBA-në dhe NATO-n për provokimin e Kremlinit dhe duke hedhur poshtë sanksionet ndëshkuese të vendosura ndaj Rusisë.
Nga ana tjetër, Moska e ka mbështetur fuqishëm Pekinin në mes të tensioneve me SHBA-në për Tajvanin.
Top Channel
