Një punëtorë magazine në Fier është vënë në pranga, ndërsa në kërkim u shpall pronari pasi iu gjetën 162 shishe verë kontrabandë.
Në pranga u vu 41-vjeçari me inciale A. T, 41 vjeç, ndërsa në kërkim u shpall 62-vjeçari me iniciale, të dy banues në Fier.
Policia arrestoi edhe një 34-vjeçar, pasi ushtroi dhunë ndaj bashkëshortes së tij.
Materialet i kaluan Prokurorisë pranë Gjykatës së Rrethit Gjyqësor Fier, për veprime të mëtejshme.
Njoftimi policisë:
Fier/ Vihen në pranga 2 shtetas, shpallet në kërkim një tjetër, për vepra të ndryshme penale.
✅ Goditet një rast i tregtimit të mallrave të kontrabanduara.
Mbante në magazinën e subjektit tregtar që kishte në pronësi, 162 shishe me verë, të kontrabanduara, shpallet në kërkim 62-vjeçari.
Kapet në flagrancë dhe vihet në pranga një punonjës në këtë subjekt.
Specialistët e Seksionit për Hetimin e Krimeve Ekonomiko-Financiare të DVP Fier, si rezultat i kontrolleve në subjekte të ndryshme tregtare, me qëllim parandalimin, evidentimin dhe goditjen e paligjshmërive, kanë goditur një rast tjetër të tregtimit të mallrave të kontrabanduara.
Si rezultat, u arrestua në flagrancë shtetasi A. T, 41 vjeç, dhe u shpall në kërkim shtetasi J. T., 62 vjeç, të dy banues në Fier. Gjatë kontrollit të ushtruar në subjektin tregtar (magazinë) në pronësi të shtetasit J. T., ku ishte i punësuar shtetasi A. T., shërbimet e Policisë gjetën dhe sekuestruan, në cilësinë e provës materiale, 162 shishe me verë, të dyshuara të kontrabanduara.
Specialistët për Hetimin e Krimeve të Komisariatit të Policisë Fier arrestuan shtetasin E. B., 34 vjeç, banues në Zhupan, Fier, pasi ka ushtruar dhunë ndaj bashkëshortes së tij.
Top Channel
