Fiqiri Sinani, është një fermer i zhgënjyer. Nga Lushnja ai ka ardhur në parlament për të protestuar për të drejta që sipas tij i janë mohuar.
“Të shkarkohet ministrja Frida se ka abuzuar me fondet e Bashkimit Europian”.
Fermeri nga Lushnja është shpallur fitues në fondet e Bashkimit Europian, por akuzon ministren e bujqësisë Frida Krifcan se ka favorizuar individë që nuk e meritonin.
“Lek nuk na hidhte njeri në bankë ne fermerëve të vërtetë, sjemi luanbiznesi…”, tha ai.
I vetëm, me një pankartë në duar, fermeri nga Lushnja kërkon ndihmë jo vetëm nga kuvendi por edhe nga SPAK.
“Të jap llogari para SPAK-ut zonja ministre!”.
Luftën për drejtësi, Fiqiri Sinani thotë se do e vazhdojë edhe në arenën ndërkombëtare, teksa ka një thirrje edhe për Bashkimin Europian.
“Kërkoj nga Bashkimi Europian që këto para që jepen të ndërpriten. Nuk i merr fermeri shqiptar këtu. Le të iki kjo Frida, do vijë një Frida tjetër!”, u shpreh Fiqiri Sinani.
Top Channel
