Uashingtoni i dha dritën jeshile përdorimit të raketave me rreze të gjatë, reagon Zelenksy 17/11 22:37
Apeli i Posaçëm ka vendosur arrest me burg (të dytë) për ish-deputetin Alqi Bllako për inceneratorin e Elbasanit.
Prokuroia e Posaçme SPAK iu drejtua gjykatës me kërkesë për një masë sigurie ndaj Bllakos dy javë më parë, por gjykata e refuzoi kërkesën.
SPAK e ankimoi këtë vendim, duke iu drejtuar Apelit të Posaçëm për miratimin e kësaj kërkesë dhe caktimin e ‘arrestit me burg’ ndaj Bllakos, për akuzën e korrupsionit, kërkesë e cila u pranua sot.
Hetimet e SPAK për inceneratorin e Elbasanit kanë rënduar pozitat e ish-deputetit Alqi Bllako, ku përveç akuzës së ‘shpërdorimit të detyrës’, kryer në bashkëpunim, Prokuroria e Posaçme dyshon edhe për akuzën e ‘korrupsionit’ . Burimet bëjnë me dije se pas sekuestrimit të kompjuterit të ish-deputetit pas marrjes së tij si i pandehur, janë gjendur prova që e implikojnë atë në korrupsion të zyrtarëve të lartë.
Alqi Bllako ka shkëmbyer e-maile nga adresa e tij private me administratorin e kompanisë “Alb tek energy”, Klodian Zoton duke e informuar këtë të fundit mbi procedurën e dhënies me koncesion të Inceneratorit të Elbasanit. Referuar dosjes ai i përcillte Zotos, e-mailet e zyrtarëve të ministrisë së mjedisit mbi procedurat që duhet të ndiqte për të fituar të drejtën e ndërtimit të Inceneratorit të Elbasanit.
Referuar hetimeve të kryera këto kontakte janë mbajtur në kohën që Bllako ushtronte detyrën e sekretarit të përgjithshëm në Ministrinë e Mjedisit dhe prokuroria ka dyshime se ish-deputeti të ketë paracaktuar garën duke shpallur fituese kompaninë që përfaqësohej nga Zoto.
Top Channel
