“Nuk i lëmë demokratët në mëshirë të Berishës”/ Basha nuk heq dorë: Me çdo kusht, do të jemi në zgjedhje! 21/06 21:38
Ish-kryeministri Sali Berisha tha se brenda dy ditëve do të vendoset data kur populli opozitar do të marrë pjesë në parlament dhe do të japë mendimin e tij, ndërsa foli për mediat jashtë Kuvendit.
Ai u shpreh se nuk janë marrë parasysh kërkesat e opozitës, duke thyer rregullat e Kushtetutës nga ana e kryetares së Kuvendit.
“Ky është parlament më monist se ai i vitit 1991. Parlament ku nuk respektohet asnjë nen i rregullores dhe kushtetutës.
Parlament ku bëhet gjithçka për të shuar zërin e opozitës, vetëm e vetëm pse këta pushtetarë janë të tmerruar nga vjedhjet që po i bëjnë pasurisë publike. Parlamenti ka marrë formën e një shartoreje, ku kreu i pseudomazhorancës i lejon vetes të përdorë fjalorin më të papranueshëm, më fyes për çdo qytetar. Ai jo vetëm që nuk ndëshkohet për këtë fjalor, por përkundrazi mbështetet nga drejtuesit e parlamentit. Ndërkohë që deputetë te opozitës, që jashtë kamerave i kthejnë përgjigje atij, përjashtohen. Parlamenti nuk respekton të drejtën për procedurë të opozitës.
Nuk mund të mohohet kurrë kjo e drejtë në asnjë sallë të botës. Kjo na detyroi ne të dalim në platformë, falë Facebook, që të komunikojmë me qytetarët shqiptarë. Parlamenti është transformuar në një institucion që vendosin grupet kriminale, ku merren vendime në interes të grupeve kriminale”, tha ish-kryeministri.
Ai theksoi se janë të palëkundur në betejën për dinjitetin dhe të ardhmen e Shqipërisë, me në qendër popullin.
“Këtu do të vijë populli opozitar t’u thotë disa fjalë këtyre hajdutëve. Këtu është bërë një situatë e padurueshme. Sot u detyruam për mbrojtjen e tyre, të komunikojmë në FB, por kjo do jetë një gjë e zakonshme në parlament. Ne shkojmë me fjalën, ne jemi që parlamenti të funksionojë, këta duan të kundërtën. Sot është vetëm fillimi i një beteje që do sjellë triumfin. Populli do vijë këtu për të dhënë mesazhin. Protesta nuk është vendosur akoma, do vendoset brenda dy ditësh. A do hyjë populli te veziri? Atë e di populli. Populli opozitar do vijë këtu patjetër. Është betejë për votën e lirë, për dinjitetin, për të ardhmen, asgjë nuk na ndalon në këtë betejë”, tha Berisha.
Top Channel
