Një automjet tip “Audi” i vjedhur gjatë natës në Fushë-Milot është gjetur nga policia dhe është arrestuar grabitësi.
Mësohet se në pranga ra 35-vjeçari A.P., banues në Kurbin, me precedent të mëparshëm kriminal, po për vjedhje.
Ai vodhi gjatë natës automjetin që pronari e kishte parkuar në afërsi të banesës së tij. Nga verifikimet ka rezultuar se 35-vjeçari ishte përsëritës për veprimtari kriminale në fushën e vjedhjeve.
Mjeti i grabitur është gjetur në fshatin Gorre.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.
Top Channel
