Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Aktivistët e klimës kanë sulmuar një pikturë të Gustav Klimt me një lëng vajor ngjyrë të zezë.
Piktura nuk pësoi asnjë dëmtim pas hedhjes produktit, pasi mbrohej nga një shtresë xhami.
Anëtarët e grupit Last Generation Austria sulmuan pikturën e vitit 1915 “Vdekja dhe jeta”, në Muzeun Leopold në Vjenë për të protestuar ndaj përdorimit të energjisë nga qeveria e tyre.
Në Twitter, grupi mbrojti veprimin që bënë, duke e quajtur një dëm për shoqërinë gjetjen e çdo mënyre të mundshme për gjetjen e naftës dhe gazit.
Në një video të incidentit, të cilën grupi e ka postuar në internet, dëgjohet një nga aktivistët duke bërtitur se
“Ne e dimë problemin për 50 vjet, më në fund duhet të veprojmë, përndryshe planeti do të thyhet. Ndaloni shkatërrimin e karburanteve fosile. Ne po vrapojmë drejt një ferri klimatik”, thanë ata gjatë kohës që bënë veprimin, sipas Sky News.
Grupe të ndryshme aktiviste kanë organizuar demonstrata të shumta muajt e fundit, duke përfshirë bllokimin e rrugëve dhe hedhjen e puresë së patates në një pikturë të Claude Monet në Gjermani.
Grupi britanik Just Stop Oil hodhi supë me domate në Sunflowers të Vincent van Gogh në Galerinë Kombëtare të Londrës muajin e kaluar.
Top Channel
