Uashingtoni përgatitet për trazira, ngrihen gardhe rreth Shtëpisë së Bardhë dhe banesës së Harris 04/11 20:17
Në emailin e tij të parë drejtuar punonjësve të Twitter, Elon Musk u tha punonjësve të Twitter se nuk do t’i lejonte më të punonin nga shtëpia dhe se ai pret që ata të kalojnë të paktën 40 orë në javë në zyrë, raportoi Bloomberg News të enjten.
Musk, multimiliarderi që mori përsipër rrjetin social për 44 miliardë dollarë vetëm dy javë më parë, pushoi gjysmën e punonjësve dhe disa drejtues të tij dhe njoftoi një sërë masash të reja, duke përfshirë tarifën prej 8 dollarëve për një abonim në Twitter Blue.
Musk u ka thënë punonjësve se dëshiron që Twitter të marrë gjysmën e të ardhurave nga abonimet, sipas një raporti të Bloomberg.
Kur Twitter rihapi zyrat e tij në mars, punonjësve iu tha se mund të punonin ende nga shtëpia nëse dëshironin.
Lëvizja e Musk pasqyron politikat e tij në kompani të tjera, SpaceX dhe Tesla, ku punonjësit gjithashtu duhet të kalojnë të paktën 40 orë në javë në zyrë.
Top Channel
