Një 23- vjeçar që rekrutonte adoleshentë për shpërndarje narkotikësh ka rënë në pranga.
I riu shpërndante drogë në doza, në qytetin e Durrësit dhe kishte përfshirë në këtë veprimtari edhe dy të mitur, 15 dhe 16 vjeç.
Në momentin e arrestimit Marko Bardhi ishte së bashku me dy të mitur, 15 dhe 16 vjeç të cilët kishin gati për shitje lëndën narkotike kanabis të ndarë në doza.
“Vijojnë goditjet e njëpasnjëshme ndaj veprimtarisë kriminale të shpërndarjes së drogave në doza. Vihet në pranga 23-vjeçari që shpërndante drogë në doza, në qytetin e Durrësit dhe kishte përfshirë në këtë veprimtari edhe dy shtetas të mitur, 15 dhe 16 vjeç. Sekuestrohet lënda narkotike kanabis e ndarë në doza, gati për shitje. Shërbimet e Policisë së Durrësit, në vijim të punës për evidentimin dhe goditjen e aktiviteteve kriminale në fushën e narkotikëve, mbështetur dhe nga inteligjenca informative, në kuadër të operacionit policor të koduar “November”, kanë arrestuar në flagrancë shtetasin: M. B., 23 vjeç, banues në lagjen nr.13, Durrës. Në përfundim të veprimeve, materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprat penale “Prodhimi dhe shitja e narkotikëve” dhe “Shtytja e të miturve në krim””, sipas policisë.
Top Channel
