Një 70-vjeçar ka humbur jetën, pasi është përplasur nga një makinë në aksin Fier-Vlorë.
Drejtuesi i mjetit është larguar nga vendngjarja, për këtë arsye mbetet ende i pa identifikuar.
Ylli Toska (viktima), banues në fshatin Fitore, ka qenë duke lëvizur me biçikletë në momentin që është përplasur.
Grupi hetimor po punon për identifikimin dhe kapjen e drejtuesit të automjetit, si dhe për zbardhjen e rrethanave të aksidentit.
Njoftimi policisë:
Fier / Informacion paraprak
Rreth orës 17:30, në aksin rrugor “Fier-Vlorë”, në fshatin Ferras, një automjet me drejtues ende të paidentifikuar, ka përplasur shtetasin Y. T., rreth 70 vjeç, banues në fshatin Fitore, i cili dyshohet se ka qënë duke lëvizur me biçikletë.
Si pasojë e përplasjes, shtetasi Y. T. ka humbur jetën.
Grupi hetimor po punon për identifikimin dhe kapjen e drejtuesit të automjetit, si dhe për zbardhjen e rrethanave të aksidentit.
Top Channel
