Një sasi lënde plasëse ka shpërthyer në një automjet në lagjen “18 Tetori” këtë mbrëmje në Lushnjë.
Lënda plasëse është vendosur në makinën e parkuar në oborrin e shtëpisë ku jeton Altin Lamce. Shtëpia është në pronësi të kunatit të tij, Arben Turkut.
Lamce është tregtar në tregun e fruta-perimeve të qytetit. Në momentin e shpërthimit, në banesë kanë qenë të pestë pjesëtarët e familjes, por fatmirësisht nga shpërthimi ka vetëm dëme materiale.
Njoftimi i policisë:
Rreth orës 22:25, në lagjen “18 Tetori”, Lushnjë, në oborrin e banesës së shtetases L. L., 75 vjeçe, ka shpërthyer lëndë e dyshuar plasëse, duke shkaktuar dëme materiale.
Grupi hetimor ndodhet në vendngjarje dhe po punon për sqarimin e rrethanave të ngjarjes, me qëllim identifikimin dhe kapjen e autorit/ëve.
Top Channel
