Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Mbi 150 persona humbën jetën nga dyndja e turmës gjatë festimeve në kryeqytetin e Koresë së Jugut, ku të rinjtë ishin mbledhur për festën e Halloween-it. Korrespondenti i Zërit të Amerikës, Bill Gallo, u ndodh në vendngjarje. Kronika në vazhdim përmban pamje të rënda.
Mbrëmja në lagjen popullore Itaewon të Seulit u shndërrua me shpejtësi në një makth. Turma e ngjeshur në një rrugicë la të bllokuar qindra persona.
Kalimtarët, shumë prej tyre të veshur me kostume Hallouini, u përpoqën të jepnin ndihmën e parë përpara se të mbërrinin ekipet e urgjencave.
Trupat e dhjetëra viktimave, shumica adoleshentë dhe në të 20-tat, u gjetën nëpër rrugë ndërsa autoambulancat mundoheshin të kalonin përmes turmave.
Turma ishte shumë e ngjeshur. Këto ishin festimet e para për Hallouinin që nga lehtësimi i masave në Seul për COVID-19. Policia rrethoi vendin, por herë pas here familjarët vinin duke kërkuar informacion për të afërmit e tyre.
Disa orë më vonë, shumë ishin të çorientuar, ndërkohë që të tjerë vazhdonin ende të festonin, pa ditur se çfarë kishte ndodhur.
“Nuk e kisha menduar kurrë që një gjë e tillë do të ndodhte në Kore, në veçanti në Itaewon. Kam qenë në shumë Halloween-e në Kore. Gjithnjë ka patur shumë turmë, por diçka e tillë nuk ka ndodhur kurrë më parë”, thotë Juyong Possamai, banakier në Itaewon.
Ky është incidenti me më shumë viktima në turmë në historinë e Koresë së Jugut. Autoriteteve do t’u duhet tashmë të kuptojnë arsyet se përse ndodhi një gjë e tillë.
Top Channel
