Pas dënimit nga Gjykata e Apelit në Shkodër për tjetërsimin e pronave në zonën e Ranës së Hedhur në Shëngjin, policia e Lezhës është vënë në lëvizje për prangosjen e personave të dënuar, mes të cilëve dhe ish-kryebashkiakun e Lezhës, Fran Frrokaj.
Urdhri i ekzekutimit të vendimeve mbërriti në policinë e Lezhës mesditën e të premtes dhe menjëherë policia është vënë në lëvizje për ekzekutimin e vendimeve.
I vetmi që ndodhet tashmë në qeli është ish-kryabshkiaku i Lezhës Fran Frrokaj, i cili u vetë-dorëzua në polici mbrëmjen e së premtes, dhe më pas dje u transferua drejt burgut të Recit në Malësinë e Madhe ku do të vuaj dhe dënimin e tij për 3 vitesh, ndërsa për personat e tjerë të përfshirë ende nuk ka asnjë gjurmë.
Prej dy ditësh policia vijon kontrollet për prangosjen e tyre por pa ja arritur qëllimit. Në këto kushte ata pritet të shpallen në kërkim fillimisht në vendin tone e pastaj në kërkim ndërkombëtar , pasi nuk përjashtohet mundësia që të jenë larguar jashtë territorit shqiptar.
Lista me emrat e personave që ende nuk janë kapur nga policia e Lezhës dhe funksionet përkatëse që kanë ushtruar:
Gjok Ndoka, ish-kryetar i kryetar i qarkut
Artan Djala, ish-drejtor i hipotekës
Ermando Jakaj, ish-specialist i hipotekës
Bledar Cara, ish-specialist i hipotek (është në burg)
Lek Frroku, përfitues toke
Vasil Gjoni, përfitues toke
Zef Gjjni, përfitues toke
Luigj Paloka, topograf
Nikoll Tinaj, përfitues toke
Top Channel
