![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Dimër i ashpër parashikohet përsa i përket situatës epidemiologjike ky i sivjetmi .
Mungesa e qarkullimit të virusit të gripit gjatë viteve të pandemisë covid thonë ekspertët, mund të shkaktojë një numër të lartë të infektuarish dhe sipas tyre virusi i gripit është edhe më kokëfortë se sa ai i covid , sidomos tek të sëmuret kronikë.
Deri më tani është thënë se qarkullon virusi i tipitA , por ende nuk është përcaktuar nëntipi i tij
“Pritet që të kemi një sezon gripi, është sëmundja më e paparashikueshme. Mungesa e qarkullimit të gripit gjatë dy viteve të fundit dhe mund të sjellë rritje të niveleve të gripit, siç ka ndodhur në Hemisferën Jugore”- shprehet Silva Bindo.
Ndërkohë që situata me covid duket më e zbutuar ekspertët bëjnë thirrje të mos ndalet vaksinimi pasi mund të rritet numri i infektimeve, por jo i hospitalzimeve apo i vdekjeve .
“Rekomandimi i ISHP është që të dyja vaksinat të bëhen njëkohësisht. Të moshuarit të vaksinohen në të njëjtën ditë në krahë të ndryshëm”– shton Bino.
Edhe pse ritmet e vaksinimit ndaj covid kanë rënë ndjeshëm, qeveria vazhdon të blejë sasi vaksinash pranë kompanisë Pfizer.
Top Channel