Hajdut “me terezi”! Arrestohet skifteri që futej nëpër shtëpi, hante, lahej… dhe vidhte 29/11 13:42
Gabbard, e cila javës që shkoi shpalli largimin partia demokrate në pushtet, dënoi Biden për fjalimin e tij të muajit që shkoi në Philadelphia
Nëse gjëja më e çmuar e një presidenti është koha, nuk ka vend më të vlefshëm politikisht për Shtëpinë e Bardhë këtë vit sesa Pensilvania.
Shtëpia e Bardhë ka tërhequr vëmendjen në shtetin e rëndësishëm të energjisë – vendlindjen e zotit Biden – në hapin përfundimtar deri më 8 nëntor, me presidentin që u kthye të premten për vizitën e tij të 15-të që kur mori detyrën ndërsa zyrtarët presin një vizitë tjetër të tij javën e ardhshme.
Vendi i hapur në Senat ka qenë për muaj të tërë mundësia më e mirë për demokratët për të marrë shumicën në Senatin e ndarë në mënyrë të barabartë, por ndërsa perspektivat errësohen për zyrtarët demokratë diku tjetër, një fitore në Pensilvani po bëhet edhe më urgjente për partia për të siguruar kontrollin e Senatit.
Përpjekja e fundit e presidentit Biden për të mbështetur kandidatin demokrat John Fetterman do të jetë në një darkë për grumbullimin e fondeve për Partinë Demokrate të shtetit, ku ai do të flasë së bashku me Zëvendës Presidenten Kamala Harris, zyrtarë të lartë të partisë dhe kandidatët kryesorë në këtë shtet të rëndësishëm zgjedhor.
Kjo vjen tre ditë pasi zoti Fetterman, i mëkëmbur nga një goditje në tru në fillim të këtij viti që ai thotë se gati i mori jetën, pati një performancë të lëkundur në debatin e tij të vetëm kundër republikanit Mehmet Oz. Paraqitja e presidentit Biden në darkën e së premtes do të jetë një shans për të tërhequr demokratët që janë në ankth pas paraqitjes së pabarabartë të kandidatit të tyre Fetterman.
Presidenti Biden ndoqi pjesë të debatit të së martës mbrëma dhe “mendoi se guvernatori John Fetterman u paraqit mirë,” tha sekretarja e shtypit e Shtëpisë së Bardhë Karine Jean-Pierre të premten.
Darka, në Qendrën e Konventave të Pensilvanisë është mbledhja më e madhe e fondeve të partisë në këtë shtet gjatë këtij viti. Të pranishëm do të jenë guvernatori Tom Wolf, senatori amerikan Bob Casey, Prokurori i Përgjithshëm i shtetit Josh Shapiro, i emëruari i partisë për guvernator dhe kandidati Fetterman. Pritet gjithashtu edhe ligjvënësi Matt Cartwright, për të cilin presidenti Biden kryesoi një mbledhje virtuale për grumbullim fondesh në fillim të kësaj jave.
Në fjalët e tij, presidenti Biden do të vazhdojë të mprehë linjën e tij të sulmit kundër republikanëve të Kongresit, duke u përqëndruar në planin e republikanëve për të rritur kostot e barnave me recetë, uljen e programit shëndetësor të financuar nga qeveria Medicare dhe Sigurimeve Shoqërore dhe dyfishimin e shkurtimeve masive të taksave të Trump për të pasurit”.
Në garën për Senatin, sondazhet tregojnë një garë të ngushtë midis kandidatit demokrak Fetterman dhe republikanit Oz. Performanca e demokratit në debat tronditi disa shikues dhe solli shqetësime te krerët e partisë. Një ditë më vonë, ai mbajti një fjalim të qetë 13-minutësh në Pittsburgh, ndërsa fushata e tij u përpoq të minimizonte performancën e së martës, duke thënë se zoti Fetterman ka qenë gjithmonë i dobët në debate.
Shtëpia e Bardhë theksoi përsëri këtë javë se presidenti Biden beson se zoti Fetterman është fizikisht i aftë për të shërbyer në poste publike dhe citoi analiza nga ekspertë të pavarur mjekësorë të cilët kanë thënë se fjalimi i tij me ndalesa nuk tregonte një problem në aftësitë e tij mendore.
Ndërkohë, fushata e zotit Fetterman dhe grupet kombëtare demokratike po e drejtojnë vëmendjen diku tjetër dhe po derdhin para në reklamat televizive me një klip debati të kandidatit Oz në të cilin ai thotë “Unë dua që gratë, mjekët, udhëheqësit politikë lokalë” të vendosin për fatin e të drejtës së një gruaje për të bërë një abort.
Pas debatit Presidenti Biden shkroi në Twitter : “Nëse Dr. Oz është në rrugën e duhur, ku përfundon kjo? A do t’i rekomandonte ai zyrtarët lokalë të marrin vendime për trajtimet e kancerit? Kolonoskopinë? Apo është ky lloj shqyrtimi i rezervuar vetëm për gratë?”
Ka shenja se nervozizmi fillestar i demokratëve menjëherë pas debatit mund të jetë ulur. Udhëheqësi i shumicës në Senat, Chuck Schumer, u kap me mikrofon të hapur të enjten teksa përshëndeti presidentin Biden në Nju Jork, duke i thënë presidentit se “duket se debati nuk na lëndoi shumë në Pensilvani .”
Vlerësimet e miratimit për punën e presidentit Biden po bien në Pensilvani në mënyrë të ngjashme me pjesën tjetër të vendit, duke shtruar pyetjen nëse prania e tij është e mirë për demokratët në një vit kur republikanët kanë epërsi.
Top Channel
