Protestuesit përplasen me drejtuesit politikë në tubimin e opozitës: Kot na thërrisni, e hapët rrugën fare 26/11 17:27
Nga foltorja e parlamentit Pandeli Majko ngriti shqetësimin për votën e emigrantëve.
Ndërsa tha se procesi sipas tij është bllokuar për burokraci, Majko u kërkoi partive t’i përgjigjen letrës dërguar nga KQZ, lidhur me ngritjen e Drejtorisë për votimin e shtetasve tanë jashtë vendit.
“Duke qenë se sot në rend dite është vendosur ndryshimi i strukturës së komisionit të zgjedhjeve, dëshiroja të ngrija për procedurë, faktin se do ketë risi, do ngrihet drejtoria për votimin e shtetasve tanë jashtë vendit, në KQZ.
Por ka një problem, kemi ndryshuar kodin zgjedhor dhe i kemi dhënë këtë të drejt KQZ për të ecur me procedurat, ata sot do miratojnë këtë drejtori të veçantë dhe çudia është se aktet nënligjore nuk kanë dalë akoma për të drejtën e votuesve të shtetasve, është akti i fundit.
Pse u çova tani? Sepse të gjithe ata të partive parlamentare, KQZ u ka dërguar një shkresë, dhe megjithëse ka disa muaj që ky udhëzim ndodhet në sirtarët e partive parlamentare nuk ka asnjë përgjigje. Ne nga një anë bërtasim vota, vota, vota, për shtetasit tanë jashtë vendit, dhe kur vjen fjala për të kthyer një përgjigje qoftë dhe burokratike, nuk kthejmë përgjigje. E kemi bllokuar vetëm për një histori burokratike, shpresoj të mos jetë politike apo dyfajësi”, tha Majko.
Top Channel
