“2024, viti më i keq në histori”, UNICEF ngre alarmin: 473 milionë fëmijë jetojnë në zona lufte 28/12 09:18
Në kohën kur Elizabet u bë mbretëreshë në vitin 1952, ajo ishte tashmë nënë e dy fëmijëve. Karli lindi në 1948, një vit pas martesës së saj, dhe Anne dy vjet më vonë në 1950.
Elizabet shpesh ndahej nga fëmijët e saj të vegjël, edhe para se të bëhej mbretëreshë, pasi kishte marrë përsipër angazhimet e babait të saj të sëmurë.
Por pas ngjitjes në fron në moshën 25-vjeçare, vitet e para të mbretërimit të saj iu kushtuan vetëm ndjekjes së gjurmëve të babait, duke provuar se ishte mjaft e mirë për këtë punë.
Kjo nënkuptonte periudha më të gjata larg fëmijëve. Vetëm në vitet 1960, kur ajo lindi Andrew dhe Edward, mbretëresha ishte në gjendje të balanconte rolet e saj si monarke dhe nënë në mënyrë më të barabartë.
Periudha të gjata larg shtëpisë
Elizabeta u rrit në një familje shumë të vogël me katër anëtarë, e përbërë nga prindërit dhe motra Margaret.
Në moshën 10-vjeçare, Elizabeta u bë vajza e një mbreti, pasi xhaxhai i saj abdikoi dhe babai mori fronin.
“Duke u rritur në një familje të dashur, të lidhur ngushtë, gjërat ishin pak më ndryshe kur bëhej fjalë për vetë fëmijët e Elizabet, të paktën për dy të moshuarit”, shpjegon Sarah Gristwood, historiane dhe autore mbretërore.
Kërkesat për të qenë një mbretëreshë e re, të cilat përfshinin turne të gjata të Komonuelthit përgjatë viteve 1950, nënkuptonin që Karl dhe Anne u lanë nën kujdesin e dadove, ndërsa nëna dhe babai i tyre ishin jashtë vendit.
“Kishte një ndjenjë në vitet e para të Mbretëreshës Elizabet II që duhej të provonte veten në skenën botërore. Dhe kjo nënkuptonte periudha të gjata kohore kur ajo nuk i shihte fëmijët e saj”, u shpreh Carolyn Harris, historiane mbretërore.
Kur u ribashkuan, sipas Sky News disa thonë se ajo dukej e shumë e ftohtë. Pas rikthimit nga një turne jashtë vendit, mbretëresha u takua nga turmat e adhuruara në Stacionin Paddington të Londrës, por kur përshëndeti Karlin e ri, ajo thjesht i shtrëngoi dorën.
Ajo vuri në dukje një rast tjetër kur Elizabet u kthye nga disa muaj jashtë vendit dhe në vend që të nxitonte për të parë Karlin në shkollë me konvikt, zgjodhi të kalonte disa ditë në Londër.
‘Traumat’ e fëmijërisë së Karl e lanë Anne të paprekur
Princi Philip donte që Karl të ndiqte hapat e tij dhe të ndiqte të njëjtën shkollë me konvikt që ai bënte.
“Largësia ishte e vështirë për Karlin, ai do të kishte preferuar të kalonte kohë me familjen e tij“, tha zonja Harris.
Temperamenti i përgjithshëm i Karlit nënkuptonte se marrëdhënia e tij me të dy prindërit ishte e komplikuar nga presionet e të qenit trashëgimtar i fronit.
“Charles ishte shpesh më i ndjeshëm. Ndërsa Anne shikoi përpara dhe vazhdoi me gjërat“, tha Gristwood.
Anne ka qenë gjithashtu shumë më e shpejtë për të hedhur poshtë pretendimet që monarkja ishte e ftohtë, duke thënë se ajo është nëna e saj dhe mbretëresha.
Suksesi i Anne në botën e kuajve dhe dashuria e përbashkët me nënën e saj për këtë gjë i ka afruar edhe më shumë me njëra tjetrën.
“Princesha Anne ka dhënë një pamje shumë më të ngrohtë fëmijërisë së saj dhe Karlit. Ajo që Charles e perceptoi si traumat e fëmijërisë së tij të hershme duket se e ka lënë Anne të paprekur”, shtoi ajo.
Kjo afërsi u reflektua kur Mbretëresha i dha asaj titullin e Princeshës Mbretërore.
Hendeku në moshë i lejoi Mbretëreshës të shijonte më shumë amësinë
Në kohën kur Edward dhe Andrew lindën në vitet 1960, Elizabeth kishte qenë në fron për një dekadë.
Dhe pas vitesh udhëtimesh të shumta për t’u vendosur si kreu i Commonwealth, në vitet 1960 ajo ishte në gjendje të kalonte më shumë kohë në shtëpi.
“Deri atëherë, Mbretëresha ishte qetësuar në rolin e saj, kështu që ajo mund të shijonte pak më shumë rolin tjetër të të qenit nënë“, tha Gristwood.
Mbretëresha nuk kishte të preferuara
Komentuesit shpesh kanë spekuluar se Princi Andrew ishte fëmija i preferuar i Mbretëreshës, por shumë oborrtarë kanë hedhur poshtë pretendime të tilla.
“Unë nuk mendoj se mund të themi me vendosmëri nëse Mbretëresha kishte të preferuar”, tha Harris.
Duke mos pasur nevojë të shqetësohet se një ditë do të bëhet mbret si vëllai i tij më i madh, megjithatë, Andrew duket se e ka shijuar fëmijërinë dhe shkollimin e tij të hershëm më shumë se Karli.
Kjo padyshim e bëri më të lehtë marrëdhënien me nënën e tij, ku vetë Andrew tha:
“Gjithmonë më kanë thënë se isha një fëmijë jashtëzakonisht i sjellshëm”.
Me admirimin e Mbretëreshës për forcat e armatosura, vendimi i tij për t’u bashkuar me Marinën mund t’i ketë sjellë të dy më afër njëri-tjetrit.
“Dhe si djali i dytë, Andrew kishte më shumë liri se Karli, me theksin në ruajtjen e trashëgimtarit“.
Gjatë ‘annus horribilis’ të saj në 1992, Mbretëresha duhej të lundronte jo vetëm divorcin e e Andrew, por edhe të Charles dhe Anne në të njëjtën kohë.
Dhe kur në vitin 2019 Andrew u detyrua të largohej nga jeta publike, marrëdhënia e tij me nënën e tij u vu nën një shqyrtim të ri.
I parë shpesh duke mbajtur një radio Roberts, Edward ishte më i interesuar për artet sesa për kuajt dhe ushtrinë, duke u larguar nga Marina pas vetëm katër muajsh shërbimi.
Më pas Edward hyri në media, duke punuar për kompaninë e teatrit të Sir Andrew Lloyd Webber dhe më pas krijoi biznesin e tij të prodhimit televiziv, i cili u përball me kritika për mungesë kontakti dhe më pas u u shpërbë.
Por martesa qëndrueshme me Sophie, konteshën e Wessex, në 1999 duket se e afruan Eduardin më shumë me nënën e tij.
“Ai ishte fëmija i saj i vetëm që nuk u divorcua”, komentoi Gristwood.
“Me më pak anëtarë që punojnë në Familjen Mbretërore pasi Andrew, Harry dhe Meghan dhanë dorëheqjen, Edward dhe familja e tij janë bërë më të respektuar dhe më të shquar. Vajza e tij Lady Louise ndante dashurinë e mbretëreshës për kalërimin dhe Mbretëreshës i pëlqente të ishte e rrethuar nga nipërit dhe mbesat e saj”, shtoi Harrys.
Top Channel
