Historia e rrëmbimit të 30-vjeçares Marsida Dyrmishi është rikthyer sërish në qendër të vëmendjes, kësaj radhe me deklaratën e fortë të të akuzuarit si autor i ngjarjes Marjus Musaku.
Në një lidhje telefonike për “Shqipëria Live”, ai tregoi ekskluzivisht nga burgu të gjithë versionin e ngjarjes sipas tij.
32-vjeçari tregoi se kishin një vit e gjysëm të lidhur dhe se takoheshin çdo ditë. Në një bisedë me gazetaren ai tha se e gjithë historia kishte nisur pas një njohjeje në plazh.
“Ndodhem në burgun e Durrësit, kemi pasur një vit e gjys lidhje, e takoheshim përditë. Jemi njohur në plazh”.
Sipas Marjus Musakut ata kanë qenë vazhdimisht në kontakt të dhe se ishte në dijeni se ajo ishte e martuar e me dy fëmijë.
“Më ka thënë që burri më keqtrajton. Ne flisnin çdo ditë. Në dy e gjys e prisja kur dilte nga puna, rrinte me mua deri në orën katër, kur shkonte merte gocat”.
Më tej ai tregoi se vazhdimisht Marsida i tregonte dashurinë dhe se bashkëshorti i saj ishte në dijeni, pasi ajo ia kishte thënë.
“Më thoshte jam e jotja deri në vdekje. Të dua, dua të rrij me ty. I ka thënë burrit që dua të ndahem nga ty se më donte. E kam me mesazhe me të gjitha, me prova”.
Më pas i akuzuari tregoi më shumë detaj në lidhje me periudhën kohore që kanë qenë bashkë, ndërsa ishte e shpallur e humbur prej disa ditësh nga bashkëshorti.
Marjus Musaku tregoi se pasi zbuloi se ajo kishte një lidhje tjetër me shokun e burrit, pavarësisht se ishte e lidhur edhe me të, i ka kërkuar që të largohet.
“Ne kemi qenë tek shtëpia. Me datë 1 zbulova se kishte lidhje me shokun e burrit, njëkohësisht edhe me mua. Ajo e ka pranuar që ka lidhje. Më pas i kam thënë mere burrin në telefon dhe nuk je për mua”.
Në lidhje me të gjithë situatën e krijuar, ai tha se e krijoi të gjithë historinë duke akuzuar atë, pasi zbuloi tradhtinë që po i bënte.
“Jan kamera, nuk është e vërtetë çfarë ka thënë. E kapa tradhtinë me shokun e burrit prandaj ma bëri këtë. Në orën katër e gjysëm ka ndodhur dhe në 11 e gjysëm më ka ardhur policia”.
Pas gjithë kësaj që ka ndodhur ai është ende në paraburgimin e Durrësit dhe se nuk ka pasur kontakte me të.
“Nuk kam pasur kontakte me të. E kam mbajtur në pëllëmbë të dorës. Kam të ardhura se kam jetuar në Gjermani. Më shumë ka qëndruar me mua se sa me burrin e vet. Dua t’i them që ajo të thotë të vërtetën në gjykatë. Do bëj denoncim për kallëzim të rremë”.
Top Channel
