Aplikacioni që përmes zërit zbulon nëse je i infektuar me COVID-19

Aplikacioni “i zgjuar” është edhe më i saktë, sipas krijuesve të tij, sesa testet e shpejta dhe gjithashtu është i lirë, i shpejtë dhe i lehtë për t’u përdorur.

Studiuesit e Institutit për Shkencën e të Dhënave të Universitetit të Mastrihtit, të udhëhequr nga Wafaa Alibawi dhe profesori i pulmonologjisë Sami Simmons, e bënë njoftimin në konferencën ndërkombëtare të Shoqatës Evropiane të Pulmonologjisë në Barcelonë.

Ata raportuan se aplikacioni ka një saktësi prej 89% (ndjeshmëri) në diagnostikimin e saktë të një rasti pozitiv COVID-19 me zë (kundrejt rreth 56% të një testi të shpejtë) dhe 83% në diagnostikimin e saktë të një rasti negativ ndërkohë që është qartësisht më mirë se testet e “shpejta” në rastet e personave asimptomatikë.

Wafaa Alibawi ndërkaq u shpreh se:

“Me aplikacionin tonë inteligjent ne do të humbnim vetëm 11 nga 100 raste të COVID-19, të cilat më pas do të përhapnin infeksionin, ndërsa testi i shpejtë do të humbiste 44 nga 100. Rezultatet tona shumë inkurajuese tregojnë se regjistrimet e thjeshta të zërit dhe analizat e tyre me algoritme të inteligjencës artificiale mund të arrijnë saktësi të lartë në zbulimin e pacientëve me COVID-19. ‘Teste’ të tilla mund të bëhen pa kosto dhe janë të thjeshta për interpretimin e tyre. Ato lejojnë kontrollin në distancë dhe japin një rezultat në më pak se një minutë. Ato, për shembull, mund të përdoren në pikat hyrëse të grumbullimeve të mëdha, duke mundësuar kontroll të shpejtë masiv të popullsisë”./ Top Albania Radio.

Top Channel