![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Të paktën dy persona janë vrarë dhe të tjerë janë plagosur nga një shpërthim me bombë pranë hyrjes së ambasadës ruse në kryeqytetin afgan Kabul.
Ministria e jashtme në Moskë tha se viktimat janë personel i ambasadës ruse, por edhe afganë.
Më herët, agjencia shtetërore e lajmeve RIA raportoi se një diplomat dhe një roje sigurie e ambasadës ishin plagosur në një sulm.
Deri më tani nuk është zbuluar ende se kush e ka kryer sulmin, i cili sipas BBC u konsiderua “sulm i konsiderueshëm vetëvrasës”.
Policia në Kabul deklaroi se sulmuesi kishte në shënjestër ambasadën.
Ai u qëllua për vdekje dhe u pasua me shpërthimin e eksplozivëve të tij, të cilët kishin qenë të aktivizuara.
Rusia është një nga vendet e pakta që ka një prani diplomatike në Afganistan, pasi talibanët morën kontrollin e vendit në gusht të vitit të kaluar.
Rusia nuk e njeh zyrtarisht qeverinë e talebanëve. Megjithatë, të dyja palët kanë diskutuar mbi marrëveshjet që kanë të bëjnë me blerjen afgane të mallrave si gruri, gazi dhe nafta nga Moska.
Top Channel