Tre persona janë arrestuar në Lezhë, pasi njërit prej tyre gjatë kontrollit në lokal iu gjetën municion luftarak dhe dy të tjerët ishin shpallur në kërkim për vepra të ndryshme penale.
Personi i identifikuar si Viktor Lleshaj 46 vjeç është arrestuar, pasi në magazinën e lokalit që përdorte iu gjetën armë zjarri dhe municione luftarake në Laç.
Mbi 46-vjeçarin banues në Kurbin rëndon vepra penale “Prodhimi dhe mbajtja pa leje e armëve luftarake dhe municionit”.
Në kuadër të operacionit të koduar “Around” u arrestuan edhe Zef Shyti e Kristjan Fufi, të shpallur në kërkim për vepra të ndryshme penale.
Zef Shyti banues në Kurbin ishte shpallur në kërkim, pasi Gjykata e Apelit Tiranë e ka dënuar me 2 vjet burgim, për veprën penale “Ngacmimi seksual”.
Kristjan Fufi 31 vjeç banues në Shkodër ishte shpallur në kërkim për veprën penale “Kultivimi i bimëve narkotike” dhe i dyshuar si autor i kultivimit të bimëve narkotike në fshatin Gjadër të Lezhës.
Top Channel
