Familja e Schumacher akuzohet se ka gënjyer për gjendjen shëndetësore të Michael

Nga viti 1991-2006, tifozët e F1 ishin me fat që e panë Schumacherin të garonte çdo sezon, duke dominuar në të kuqtë ikonë të Ferrarit.

Gjatë karrierës së tij të shkëlqyer, Schumacher fitoi shtatë kampionate, ku titulli i parë i tij erdhi në vitin 1994, ndërsa i fundit erdhi në vitin 2004.

Fatkeqësisht, në vitin 2013, një vit pas garës së tij të fundit në Grand Prix të Brazilit, Schumacher pësoi një aksident gjatë skijimit. Schumacher ishte në pushime me familjen e tij në Alpet Franceze kur u rrëzua dhe goditi kokën në një gurë.

Pas incidentit, ai u transportua me helikopter në një spital në Grenoble, ku pas dy operacioneve, ai u vendos në koma nga mjekët për gjashtë muaj.

Pasi doli nga koma në vitin 2014, Schumacher u transferua më pas në një spital në Lausanne.

Së fundmi, në një intervistë, ish-menaxheri i Schumacher, Will Webber, ka akuzuar familjen e gjermanit për gënjeshtra për pasojat e aksidentit në skijim.

Duke folur për “Gazzetta dello Sport”, Webber tha: Ishte një dhimbje e madhe për mua. Unë u përpoqa qindra herë të kontaktoja gruan e tij, Corinnan, dhe ajo nuk u përgjigj. I telefonova Jean Todt për ta pyetur nëse duhet të shkoja në spital dhe ai më tha të prisja sepse është shumë herët.

Telefonova të nesërmen dhe askush nuk u përgjigj. Nuk e prisja një sjellje të tillë dhe jam ende i zemëruar për këtë. Më mbajtën jashtë, më thanë se është shumë herët, mirë tani është tepër vonë. Kanë kaluar nëntë vjet. Ndoshta ata thjesht duhet ta thonë ashtu siç është”, tha Weber

“Fillimisht mund ta kuptoja situatën pasi gjithmonë bëja gjithçka që mundesha që Michael të mbronte jetën e tij private. Por që atëherë kemi dëgjuar vetëm gënjeshtra prej tyre. Vite pas aksidentit, i thashë vetes që të kujdesesha vetëm për familjen pasi nuk mund t’i ndryshoja gjërat. Ai ishte si një djalë për mua. Edhe sot më dhemb të flas për të”, shtoi më tej ai.

Top Channel