“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Qindra persona protestuan të hënën kundër rritjes së çmimeve dhe korrupsionit në Panama, protesta që bënë që presidenti i vendit, Laurentino Cortizo, të shpallte ngrirjen e çmimit të benzinës .
“Unë e kuptoj pakënaqësinë me situatën në të cilën jetojmë të shkaktuar nga efektet e pandemisë dhe pasojat e konfliktit në Ukrainë. Dua të njoftoj se kam vendosur të zgjasë masën për të ngrirë çmimin e karburantit në mbarë vendin duke filluar nga 15 korriku”, tha Cortizo.
Presidenti tha se çmimi i (3.78 litra) karburant do të kushtojë 3.95 (dollarë) për automjetet private.
Panamaja po përballet me javën e dytë të protestave për rritjen e çmimit të karburantit, i cili ishte rritur 47% nga janari në korrik.
“Për sa kohë që qeveria nuk dëgjon, ne nuk do të tërhiqemi, protesta do të vazhdojë derisa ta fitojmë këtë luftë, sepse është lufta e popullit dhe është për njerëzit”, tha një protestues.
Cortizo raportoi gjithashtu se qeveria e tij do të përgatisë një dekret për të ngrirë çmimin e një duzinë produktesh në shportën bazë.
Top Channel
