Putin bën deklaratën e fortë: Biden më propozoi shtyrjen e anëtarësimit të Ukrainës në NATO deri në 15 vite 26/12 22:29
Ministrja e re e Arsimit e Mbretërisë së Bashkuar, Andrea Jenkyns bëri një gjest të pakëndshëm duke u treguar gishtin e mesit protestuesve të mbledhur jashtë zyrës së kryeministrit në Downing Street të Londrës.
Jenkyns u emërua ministre pak para se Boris Johnson të njoftonte se do të largohej nga drejtimi i qeverisë britanike.
Jenkyns tha se bëri gjestin e pakëndshëm pasi një “turmë e madhe” jashtë po ofendonte deputetët gjatë hyrjes.
— Andrea Jenkyns MP (@andreajenkyns) July 9, 2022
Duke shpjeguar veprimet e saj, ajo shkroi në Twitter se si kishte vuajtur “sasi të mëdha abuzimi nga disa prej njerëzve që ishin atje gjatë viteve, dhe unë gjithashtu kam pasur shtatë kërcënime me vdekje në katër vitet e fundit”, sipas Sky News.
“Dy prej të cilave kanë qenë në javët e fundit dhe aktualisht janë duke u hetuar nga policia. Unë u përgjigja dhe u ngrita në mbrojtje. Pse duhet të duroj këtë lloj trajtimi. Duhet të kisha treguar më shumë gjakftohtësi, por jam thjesht një njeri”, tha ajo.
Is it too much to ask in @BorisJohnson Britain that the new Education Minister set an example to our nations children and not show the general public her middle finger. pic.twitter.com/MHlkZvIIBL
— David Lammy (@DavidLammy) July 8, 2022
Jenkyns është një politikane konservatore që erdhi në zyrën e kryeministrit për ta mbështetur përpara se ai të shpallte dorëheqjen.
Theksojmë se pas disa ngjarjeve, Johnson dha dorëheqjen , ndërsa do të drejtojë qeverinë britanike deri sa të zgjidhet kryeministri i ri.
Top Channel
