Aksident në aksin Tepelenë-Nivicë/ Humb kontrollin e makinës, plagoset pasagjeri
03/07/2022 15:33
Aksident gjatë natës në Tiranë, humb jetën këmbësori 28/12 12:21
Foto ilustruese
Një aksident ka ndodhur këtë të diel në aksin Tepelenë-Nivicë me pasojë plagosjen e një 67-vjeçari.
Shoferi 56-vjeçar ka humbur kontrollin dhe makina ka dalë nga rruga.
“Në aksin rrugor Tepelenë-Nivicë, në afërsi të fshatit Nivicë, shtetasi A. H., rreth 56 vjeç, banues në Tepelenë, duke drejtuar automjetin tip “Benz” ka humbur kontrollin e mjetit dhe ka dalë nga rruga. Për pasojë është dëmtuar pasagjeri që ndodhej në automjet, shtetasi A. V., 67 vjeç, banues në fshatin Dhëmblan, Tepelenë, i cili po merr ndihmën mjekësore në spital dhe ndodhet jashtë rrezikut për jetën”, sipas policisë.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
Top Channel
