Putin fal borxhet për luftën/ Presidenti rus josh qytetarët e zhytur në kredi për të luftuar në Ukrainë
24/11 13:22
Rusia ka paralajmëruar Lituaninë për pasoja “serioze” pasi ndaloi transferimin e disa mallrave në territorin rus të Kaliningradit.
Rusia “me siguri do t’i përgjigjet veprimeve të tilla armiqësore”, tha zyrtari i lartë i sigurisë, Nikolai Patrushev sipas BBC.
Lituania thotë se po ndjek vetëm sanksionet e BE-së të vendosura për pushtimin e Ukrainës nga Moska.
Kaliningrad, një rajon strategjik ku është selia e Flotës Balltike të Rusisë, nuk ka kufi me Rusinë kontinentale.
Territori perëndimor u aneksua nga Gjermania pas Luftës së Dytë Botërore në 1945, dhe kufizohet nga anëtarët e BE-së dhe NATO-s, Lituania dhe Polonia.
Rajoni, ku jetojnë rreth një milion njerëz mbështetet shumë në importet e lëndëve të para dhe pjesëve të këmbimit nga Rusia dhe BE.
Guvernatori rajonal Anton Alikhanov tha se ndalimi do të mbulonte rreth 50% të artikujve që importon Kaliningrad.
Gjatë një vizite të martën në Kaliningrad, zoti Patrushev tha se bllokada nga Lituania ishte nxitur nga Perëndimi “në shkelje të ligjit ndërkombëtar”.
Sekretari i Këshillit të Sigurimit të Rusisë paralajmëroi se “masat e duhura” do të merren “në një të ardhme të afërt”.
“Pasojat e tyre do të kenë një ndikim serioz negativ në popullatën e Lituanisë”, shtoi ai, pa dhënë detaje të mëtejshme.
Më herët të martën, ambasadori i BE-së u thirr në ministrinë e jashtme ruse për bllokadën.
Javën e kaluar, autoritetet lituaneze njoftuan se do të ndalonin kalimin e mallrave që i nënshtrohen sanksioneve të BE-së përmes territorit të tyre në Kaliningrad.
Ministri i Jashtëm lituanez Gabrielius Landsbergis tha: Lituania nuk është duke bërë asgjë, janë sanksionet evropiane që filluan të funksionojnë nga 17 qershori… Kjo u bë me konsultim nga Komisioni Evropian dhe sipas udhëzimeve të Komisionit Evropian.
BE-ja i ka bërë jehonë deklaratës së Lituanisë, duke thënë se vendi po zbaton sanksionet e vendosura nga BE-ja si rezultat i pushtimit rus të Ukrainës.
Lista e sanksioneve përfshin qymyrin, metalet, materialet e ndërtimit dhe teknologjinë e avancuar.
Si një anëtare e aleancës ushtarake të NATO-s, Lituania mbrohet nga traktatet e mbrojtjes kolektive.
Zyrtarët rusë janë të zemëruar me Lituaninë – dhe BE-në – për ndalimin e tranzitit të disa mallrave në Kaliningrad. Ata po e krahasojnë atë me një bllokadë.
Kremlini thotë se po përpiqet ta zgjidhë këtë. Të hënën, zëdhënësi i presidentit Vladimir Putin, Dmitry Peskov, vuri në dukje se “situata është me të vërtetë shumë serioze dhe kërkon një analizë shumë të thellë përpara se të përgatitet ndonjë masë apo ndonjë vendim. Kjo analizë e plotë do të bëhet gjatë ditëve të ardhshme”.
Sot, një nga aleatët më të ngushtë të Vladimir Putinit, Nikolai Patrushev, fluturoi në rajonin e Kaliningradit për të diskutuar “sigurinë kombëtare në Rusinë veriperëndimore”. Patrushev është sekretar i Këshillit të Sigurimit të fuqishëm të Rusisë. Zyrtarët thonë se vizita ishte planifikuar shumë kohë më parë.
Top Channel
