Video/ Ariu i tempullit kap burrin që e provonte me ushqim dhe nis ta kafshojë, por për fat pa e vrarë (fotot)
23/11 15:28
Prokurorët gjermanë kanë sekuestruar tre apartamente në Mynih dhe një llogari bankare në pronësi të një ligjvënësi rus dhe gruas së tij pas sanksioneve të Bashkimit Evropian të vendosura për shkak të pushtimit të Ukrainës.
Prokurorët thanë se ligjvënësi, i cili punon në Duma, një nga dhomat e parlamentit rus, dhe gruaja e tij zotërojnë së bashku dy nga apartamentet në qytetin bavarez.
Burri dhe gruaja, të identifikuar vetëm si L dhe K respektivisht në përputhje me rregullat gjermane të privatësisë vazhduan të fitonin para nga qiratë e pronave në kundërshtim me sanksionet.
Ata thanë se gruaja, e cila është e regjistruar si banore në Mynih, është gjithashtu pronarja e vetme e një apartamenti të tretë në Mynih, ku ajo vazhdoi të merrte qiranë.
Kjo do të thotë që të dy dyshohen për shkelje të ligjit të tregtisë së jashtme të Gjermanisë.
Sekuestrimi u urdhërua javën e kaluar dhe hyri në fuqi të hënën, thanë prokurorët. Banorët e banesave lejohen të qëndrojnë, por nuk lejohen më të paguajnë qira për ligjvënësit dhe gruan e tij.
Pagesat duhet të depozitohen në gjykatën e qarkut të Mynihut. Llogaria bankare që u sekuestrua merr pagesa mujore të qirasë prej rreth 3,500 €, sipas prokurorëve.
Top Channel
