Turqia shkarkon edhe dy kryetarë kurdë 22/11 22:00
Ford po tërheq nga tregu 2.9 milionë automjete pasi ka rezultuar se shumë drejtues po shfaqin probleme në momentin e parkimt të makinës së tyre.
Disa prej automjeteve kanë probleme me marshet dhe si pasojë mund të ecin në një drejtim të padëshiruar.
Administrata Kombëtare e Sigurisë së Autostradave thotë se ka gjashtë raporte për dëmtime pronash dhe katër raporte për lëndime që mund të lidhen me problemin.
transmisioni në makinat dhe SUV-të e prekura Ford mund të mos jetë vetëm në pozicionin e parkimit, edhe pse pozicioni i marshit tregon se automjeti është zhvendosur për tu parkuar. Shumë drejtues pasi kanë dalë nga automjeti, kanë vënë re se makina ka lëvizur nga vendi,duke rritur rrezikun e lëndimit ose përplasjes, sipas rregullatorit të sigurisë.
Një problem i ngjashëm me Jeep Grand Cherokee i vitit 2015 shkaktoi vdekjen e aktorit Anton Yelchin në vitin 2016. Jeep-i i Yelchin u rrokullis nga rruga e tij dhe e përplasi atë në një shtyllë me tulla përpara shtëpisë së tij në Los Anxhelos.
Për fat të mirë, NHTSA nuk ka raportuar ndonjë vdekje të shkaktuar nga ky problem me tërheqjen e Fordit.
Automjetet që Ford po tërheq nga tregu janë modeli i vitit 2013 deri në 2019 Escape, 2013-2018 C-Max, 2013-2016 Fusion dhe 2013-2021 Transit Connect.
Top Channel
