“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Një grup indigjenësh në Brazil i janë bashkuar përpjekjeve për gjetjen e gazetarit britanik, Dom Phillips dhe ndihmësit të tij lokal Bruno Pereira në xhunglën e Amazonës.
Rasti i tyre ka shkaktuar mjaft konfuzion: presidenti Jair Bolsonaro tha se mbetje njerëzore janë gjetur gjatë kërkimeve qe vazhdojnë prej disa ditësh dhe se një process verifikimi i AND-së është duke u kryer për të parë se kujti i përkasin.
Të afërm të Phillips dhe Pereiras gjithashtu thonë se autoritetet i kanë informuar për gjetjen e dy trupave të pajetë. Por policia dhe liderët indigjenë vendas i kanë mohuar këto raporte, e thanë për BBC se ka pasur një gabim në komunikim.
Grupet lokale thonë se të dy burrat kishin marrë disa herë kërcënime për punën e tyre në mbështetje të të drejtave të indigjenëve në rajon. Ata po udhëtonin me varkë në këtë zonë, kur yë zhdukën, ndërsa dihet se e njihnin rajonin shumë mirë.
Phillips ka jetuar në Brazil për më shumë se një dekadë dhe ka qenë për një kohë të gjatë bashkëpunëtr i the Guardian, e po bënte dhe kërkime për një libër. Pereira është ekspert i fiseve të izoluara të Amazonës.
Disa ditë përpara se dyshja të zhdukej, grupet indigjene thonë se ky i fundit ishte kërcënuar për fushatën e tij kundër peshkimit të paligjshëm në zonën që është mësyrë gjithashtu edhe kërkues të paligjshëm të arit, si trafikantë të drogës që kontrabandojnë kokainë nga Peruja fqinjë.
Top Channel
