Organizata për të drejtat e Njeriut: Transferimi me forcë i palestinezëve në Gazë përbën krim lufte 14/11 08:15
Izraeli u ka bërë thirrje shtetasve të tij, të hënën, që të shmangin Stambollin ose të kthehen në shtëpi nëse gjenden atje.
Kjo thirrje, vjen pas asaj të 30 majit, ku Izaeli paralajmëroi shtetasit e tij që të mos udhëtojnë drejt Turqisë për shkak të, siç ishte thënë, kërcënimeve iraniane për të vrarë ose rrëmbyer izraelitë.
Ministri i Jashtëm i Izraelit, Yair Lapid, tha se një “përpjekje e madhe” nga forcat izraelite të sigurisë kishte shpëtuar “jetë izraelite në javët e fundit” dhe falënderoi Qeverinë turke për kontributin e saj.
Ai nuk dha detaje të tjera. Një zyrtar izraelit i sigurisë i tha Reuters se Turqia kishte arrestuar disa “operativë” të dyshuar të Gardës Revolucionare Islamike në Iran.
“Ne po u bëjmë thirrje izraelitëve që të mos fluturojnë për në Stamboll – dhe nëse nuk keni një arsye jetike, mos fluturoni për në Turqi. Nëse jeni tashmë në Stamboll, kthehuni në Izrael sa më shpejt të jetë e mundur”, tha Lapid në një deklaratë televizive.
“Këto kërcënime terroriste janë të drejtuara te pushuesit izraelit. Ata po zgjedhin, në mënyrë të rastësishme, por të qëllimshme, shtetas izraelitë me synimin për t’i rrëmbyer ose vrarë ata”, tha ai.
“Dua që nga këtu t’ua përcjell një mesazh edhe iranianëve. Kushdo që lëndon izraelitët nuk do të mund të ikë. Izraeli do t’i marrë ata, pavarësisht se ku janë”.
Teherani është zotuar të hakmerret kundër Izraelit, të cilin e fajëson për vrasjen më 22 maj të Hassan Sayad Khodai, kolonel i Gardës Revolucionare Islamike në Iran, i cili u qëllua për vdekje në timonin e makinës së tij nga dy persona me motoçikletë.
Izraeli as nuk e pranoi dhe as nuk e mohoi përgjegjësinë mbi akuzat për vrasje. Izraeli ka akuzuar Khodain për organizimin e sulmeve kundër izraelitëve në gjithë botën.
Turqia është destinacion i famshëm për izraelitët.
Të dy vendet kanë përmirësuar marrëdhëniet e tyre pas më shumë se një dekade të tensionuara.
Top Channel
