Trump zhvillon takimin e parë me një lider të huaj pas fitores, përse zgjodhi presidentin e Argjentinës? 16/11 08:15
Gjermania ka fajësuar presidentin rus, Vladimir Putin për urinë në Afrikë.
Ajo ka dënuar fuqishëm përpjekjen e Putinit për të krijuar mendimet se Perëndimi është përgjegjës për shkaktimin e urisë në Afrikë, sipas zëdhënësit të ministrisë së jashtme.
“Duhet të theksojmë se fakti që ekziston rreziku i zisë së bukës në disa pjesë të botës, që disa vende po u ndalen eksportet e drithërave, është pasojë e luftës së agresionit rus dhe jo e sanksioneve perëndimore”, tha zëdhënësi, sipas Sky News.
Ndërkohë, zëdhënësja e ministrisë së jashtme të Rusisë tha se rritja e shpenzimeve ushtarake gjermane nënkuptonte se vendi po rimilitarizohej dhe kjo do të rriste rreziqet e sigurisë.
“Ne e perceptojmë deklaratën e kancelarit gjerman (Olaf Scholz) si një tjetër konfirmim se Berlini ka vendosur një kurs për rimilitarizimin e përshpejtuar të vendit. Si mund të përfundojë kjo? Mjerisht, kjo dihet mirë nga historia” , tha Maria Zakharova.
Top Channel
