Trump zhvillon takimin e parë me një lider të huaj që nga fitorja në zgjedhje, përse zgjodhi presidentin e Argjentinës? 16/11 08:15
Nuk ka një fund të shpejtë të luftës në Ukrainë; ecuria në terren duket se këtë tregon sipas Shteteve të Bashkuara, të cilat presin që konflikti të zgjasë për muaj tërë.
Pohimin e bëri sekretari i shtetit, Antony Blinken, i cili hodhi poshtë gjithashtu pretendimet se Washingtoni e përshkallëzoi situatën me presidentin rus Vladimir Putin.
“E thënë sa më thjeshtë, mënyra më e mirë për të shmangur përshkallëzimin është që Rusia të ndalojë agresionin dhe luftën që ajo vetë filloi. E ka fuqinë për ta bërë një gjë të tillë.”- tha Blinken
Por Moska, theksoi Blinken, nuk po jep shenja tërheqjeje.
“Në rastin më të mirë që mund të vlerësojmë tani, ne presim ende edhe shumë muaj konflikt. E përsëris, e gjithë kjo mund të marrë fund nesër nëse Rusia vendos t`i japë fund sulmit. Megjithatë, për momentin, nuk po shohim asnjë shenjë të tillë.”- tha Blinken
Komentet e tij, kryediplomati amerikan i bëri në një konferencë të përbashkët për shtyp me shefin e NATO-s, Jens Stoltenberg, i cili u shpreh se Putini po përballet me një aleancë më të fortë, me më shumë forca ushtarake dhe me më shumë vende anëtare, ndryshe nga sa e priste. Ai mirëpriti dhe paketën e re të ndihmave ushtarake për Ukrainën që presidenti Joe Biden njoftoi të martën dhe falenderoi Shtetet e Bashkuara për rritjen e pranisë ushtarake në mbarë Europën, me mbi 100 mijë forca të dislokuara, të mbështetura nga njësi ajrore dhe detare.
Top Channel
