Ecnin me shpejtësi skëterrë/ Tre të arrestuar dhe qindra ndëshkime në Vlorë

Policia Rrugore e Vlorës ka arrestuar tre persona, për veprën penale “Drejtimi i automjeteve në mënyrë të parregullt”.

Gjithashtu, janë pezulluar 22 leje drejtimi, nga të cilat 19 për drejtim automjeti me shpejtësi tej normave të lejuara, një për drejtim automjeti nën efektin e alkoolit dhe dy për shkelje të ndryshme të Kodit Rrugor.

Janë vendosur edhe 1245 masa administrative, të ndara si më poshtë:

– 197 masa për tejkalim shpejtësie;

– 107 masa për mosvendosjen e rripit të sigurimit;

– 73 masa për mosvendosjen e kaskës mbrojtëse;

– 14 masa për përdorimin e aparatit celular;

– 77 masa për parakalime të gabuara;

– 237 masa për ndalim/pushim të mjetit në kundërshtim me sinjalizimin rrugor dhe rregullat e qarkullimit;

– 4 masa për mungesë të siguracionit të mjetit;

– 536 masa për shkelje të rregullave të tjera të Kodit Rrugor.

Top Channel