Vuçiç flet me Putin: Serbia do blejë “falas” gazin rus, në krahasim me të tjerët

“Ne do të nënshkruajmë një kontratë trevjeçare dhe nesër apo pasnesër. Serbisë i duhen sasi të mëdha të gazit, por mund të them se ne do të kemi një dimër të sigurt”, tha Vuçiç.

Ai theksoi se Serbia do të vazhdojë të blejë gaz rus dhe çmimi do të jetë në bazë të formulës ekzistuese, e cila varet nga lëvizjet e çmimeve të naftës në tregun botëror, që nënkupton tha ai se “ne do të kemi çmimin më të favorshëm të gazit në Evropë”.

Pas një bisede telefonike me presidentin rus Vladimir Putin, Aleksandër Vuçiç njoftoi se ai arriti në një marrëveshje që Serbia të ketë një çmim shumë të favorshëm për furnizimin me gazin rus.

Vuçiç tha se çmimi pritet të jetë 340 deri në 350 dollarë për 1,000 metër kubikë të gazit, por “ky nuk është çmimi final sepse do të varet nga sasia që do të dërgohet”, sipas tij.

Çmimi i Gazprom për ne në dimër  tha Vuçiçdo të mbetet i bazuar në një formulë nafte, duke rezultuar ndoshta në tarifa deri në 10 herë më të ulëta për Serbinë në krahasim me shumicën e blerësve të tjerë në Evropë. Vetëm Bjellorusia dhe Armenia ka të ngjarë të gëzojnë kushte më të mira për gazin rus, u shpreh ai.

Vuçiç theksoi se janë pajtuar për çmimin për furnizimin e 2.2 miliardë metër kubikë gaz në vit dhe shtoi se Serbisë i duhen edhe 800 milionë metër kubikë për shkak të zhvillimit të industrisë.Marrëveshja aktuale për furnizimin me gazin rus skadon më 31 maj.

Serbia kryesisht është e varur nga Rusia në sektorin e energjisë dhe në tregun e gazit dhe naftës në Serbi, monopol ka krijuar kompania ruse, Gazprom.

Top Channel