Për 12 ditë u gërmua për mbetje kockore pranë minierës në Shtaval, afër Sijenicës së Serbisë.
Këtë të mërkurë, punimet u ndërprenë për shkak se në dy lokacionet pranë minierës nuk u gjetën mbetje skeletore, siç dyshohej të shqiptarëve të zhdukur gjatë luftës në Kosovë.
Ekipet që kryen kërkimet e patën të pamundur të vazhdojnë me gërmim për shkak që institucionet serbe nuk ofruan informacione shtesë.
Tash kur edhe kushtet atmosferike janë të favorshme për gërmim, institucionet e Kosovës duhet të presin për informata nga Serbia ose edhe pamje satelitore nga ndërkombëtarët në mënyrë që kenë argumente bindëse të vazhdojnë me punën.
Komisioni Qeveritar për Personat e Pagjetur ka akuzuar Serbinë për mosbashkëpunim sa i përket çështjes së të pagjeturve.
Nga lufta e fundit rezultojnë të zhdukur edhe 1617 persona.
Top Channel
