“BE të rishqyrtojë sanksionet ndaj Rusisë”, Orban bën thirrje: Çmimet e energjisë duhet të ulen patjetër 15/11 11:02
Rusia njoftoi për sanksionimin e 154 anëtarëve të Parlamentit britanik, në kundërpërgjigje të një vendimi të ngjashëm të ndërmarrë ndaj diplomatëve dhe ligjvënësve rusë për shkak të pushtimit të paprovokuar rus të Ukrainës.
Ministria e Jashtme ruse tha më 24 maj se ligjvënësve britanikë, ku përfshihet edhe William Hauge, ish-ministër i Jashtëm dhe kryetar i partisë opozitare, Partisë Konservatore, do t’iu ndalohet hyrja në Rusi.
Në mars, Qeveria britanike vendosi sanksione personale në “pothuajse të gjithë anëtarët” e Parlamentit rus, Këshillit Federal, tha Ministria e Jashtme ruse, duke justifikuar vendimin për sanksione.
Pasi presidenti rus, Vladimir Putin, dërgoi trupa në Ukrainë më 24 shkurt, Perëndimi u përgjigj me sanksione të ashpra ndaj Moskës, largoi disa banka ruse nga sistemi bankar i mesazheve SWIFT, vendosi embargo mbi eksportet ruse, kufizoi investimet, ngriu asetet e zyrtarëve qeveritarë dhe familjeve të tyre, si dhe u vendosën një sërë kufizimesh për udhëtime të zyrtarëve të lartë.
Muajin e kaluar, Rusia ua ndaloi hyrjen 287 ligjvënësve britanikë, në kundërpërgjigje ndaj sanksioneve britanike. Parlamenti britanik ka afër 800 anëtarë.
Top Channel
